Llinyn Trôns

Nofel gan Bethan Gwanas ydy Llinyn Trôns. Mae'r nofel ar gwrs Llenyddiaeth TGAU CBAC.

Dyfyniadau gyda ffynhonnell

Dad ydi Hitler. A does neb byth yn gallu newid ei feddwl... Mae Merfyn, fy mrawd mawr perffaith, chwe troedfedd, gwallt melyn, dim plorod, 'A' yn bob diawl o bob dim...yn gallu ei droi o weithiau, ond does gen i ddim gobaith tortois yn Ras yr Wyddfa.
- Hunanddelwedd isel Llion Jones o bennod gyntaf y nofel

Ond dyna fo, hogyn tawel ydw i, yn hapus efo 'nghwmni fy hun a'm cyfrifiadur a dw i ddim isio mynd ar y blydi cwrs tridiau 'ma i ryw gwt oer ar ben ryw fynydd ynghanol nunlle i 'neud rhyw giamocs 'awyr agored'.
- Crynodeb o bersonoliaeth Llion Jones, y prif gymeriad

Mae ganddo gorff fel tarw ar steroids.
- Gwybodaeth am gymeriad Tecwyn Jones, yr athro Addysg Gorfforol.

'Ro'n i'n meindio'n musnes gynnau, yn brwsho 'nannedd yn y stafell molchi sydd fel rhywbeth allan o Alcatraz, pan ddaeth Nobi a Gags o rywle a 'nghodi fi oddi ar y llawr a mynd â fi i mewn i'r lle chwech. Roeddan nhw'n piso chwerthin a finnau'n gweiddi ac yn gneud fy ngorau glas i gicio a dyrnu. Ond mae Nobi'n hen ddiawl cry - allwn i ddim symud. Mi gododd fi gerfydd fy nghoesau, tra oedd Gags yn dal fy mreichiau, a gwthio 'mhen i lawr y pan. Ro'n i isio chwydu. Roedd yr oglau yn afiach, ac wedyn dyma nhw'n tynnu'r tsiaen. Ro'n i wir yn meddwl 'mod i'n mynd i foddi.
- Enghraifft o'r modd y mae cymeriadau Gags a Nobi'n bwlio Llion pan maent yn y gwersyll awyr agored.

Fydda i'm yn gwylltio'n aml. Dw i'n tueddu i gadw pob dim i mewn, ond bob hyn a hyn, mi fydda i'n ffrwydro ac yn mynd yn hollol boncyrs, wallgo bost, ac yn ffustio pob dim o fewn cyrraedd...

Ta waeth, ma sêt y toilet 'na yn ddarnau rŵan, a'r papur bog dros y lle i gyd...

Dyma fi'n dechrau sylweddoli 'mod i'n teimlo'n rhyfedd...roedd o'n rhywbeth nad o'n i wedi ei deimlo ers blynyddoedd maith. Roedd fy mhen-ôl i'n wlyb, a mhyjamas i'n glynu wrth fy nghroen.
- Esiampl o Gags a Nobi yn bwlio Llion drwy arllwys dwr ar ei wely pan mae'n cysgu gan adael iddo feddwl ei fod wedi gwlychu ei hun.

"Be sy Llinyn Trôns?" holodd Nobi hefo llond ceg o Fars Bar. "Y coesau dryw bach 'na'n popo ydyn didyms? Ti di cofio newid dy glwt, do? Haaaa-ha!"
- Gags a Nobi'n bwlio Llion yn eiriol pan ar y daith gerdded.

Ar ôl tua deng munud arall o gerdded, roedd hi (Gwenan) yn llusgo y tu ôl i bawb eto, felly mi wnes i arafu er mwyn cerdded hefo hi. Roedd hi'n edrych mor bathetig, ro'n i'n teimlo drosti, bechod. Ddeudais i ddim byd, a ddeudodd hithau'r un gair chwaith, ond rown i'n gallu gweld ei bod hi'n falch ei bod hi ddim ar ei phen ei hun...
- Natur garedig personoliaeth Llion sy'n denu gweddill y cymeriadau ato erbyn diwedd y nofel.

Ti’n edrych fatha runner bean.
- td.37 Disgrifiad o Llion Jones tran'n gwisgo siwt wlyb.

Roedd yr awyr yn las ac yn gneud i bobman edrych reit braf ac yn llai o Auschwitz.
- td.46 Disgrifiad o'r ganolfan awyr agored

Roedden nhw’n troelli i fyny’r graig ynghanol y coediach, ac roedd y dŵr oedd yn diferu’n rhaeadrau bychain bob ochr i’r creigiau’n gneud i’r lle edrych yn reit ecsotig, bron fel jyngl, fel rhwbath allan o Jurassic Park.
- td.72 Disgrifiad o'r goedwig