Oscar Wilde: Gwahaniaeth rhwng fersiynau

Bardd, nofelydd a dramodydd Gwyddelig yn ysgrifennu yn yr iaith Saesneg oedd Oscar Fingal O'Flahertie Wills Wilde (16 Hydref 1854 - 30 Tachwedd 1900). Roedd yn enwog am ei ffraethineb a datblygodd i fod yn un o ddramodwyr mwyaf llwyddiannus diwedd y cyfnod Fictorianaidd yn Llundain ac yn un o ser mwyaf ei gyfnod. Mae nifer o'i ddramâu yn parhau i gael eu perfformio, yn enwedig The Importance of Being Earnest. O ganlyniad i gyfres o achosion llys, carcharwyd Wilde am ddwy flynedd o lafur caled wedi iddo gael ei ffeindio'n euog o "anweddusdra difrifol" gyda dynion eraill. Pan ryddhawyd Wilde o'r carchar, hwyliodd liw nos i Dieppe ar y fferi. Ni ddychwelodd i Brydain.